Happingarleiðreglur
Skúlin
á Fløtum
Í
Skúlanum á Fløtum gera vit okkara allar besta at fáa skúlan til
ein mennandi, heilsugóðan og tryggan skúla fyri øll. Skúlin á
Fløtum
arbeiðir virkið við at forða og steðga happing. Fyri at røkka
hesum máli, hevur skúlin eina nevnd at arbeiða við
málsetninginum. Lærararnir eru allir við í arbeiðinum, sjálvt
um høvuðsábyrdin liggur á flokslæraranum.
Á
hvørjum ári leggur skúlin ein dagførdan happingarfaldara
á heimasíðuna.
Í faldaranum verður m.a. upplýst um ymisk tekin, ið ein happaður
næmingur møguliga hevur. Eisini verður upplýst, hvat skúlin ger
í givnum førum og fyribyrgjandi at forða og steðga happing.
Niðanfyri
verður lýst í trimum pørtum, hvat skúlaleiðslan, starvsfólkini
og næmingarnir skulu gera, fyri at málið kann røkkast, ið er at
fáa ein skúla, har øll kunnu trívast, vera seg sjálvi og
lærulíkindini eru tey bestu fyri hvønn einstakan. Har vit fáa ein
skúla uttan ótta. Har næmingarnir læra við góðum treysti,
góðum samljóði sínámillum og í heild.
Leiðslan:
skal
seta heilt greiðar karmar upp, tað skapar tryggleika fyri lærarar
og næmingar
skal
halda karmarnar
skal
geva happingarnevndini arbeiðsumstøður
skal
geva lærarunum arbeiðsumstøður
skal
senda lærarar á skeið í happing
Starvsfólkini:
skulu
kunna seg um happing
skulu
hava næmingasamrøður
skulu
hava floksfundir regluliga og eftir tørvi, alt árið
skulu
samstarva
við AKT-fólkini, førleikastovuna, skúlaheilsurøktarfrøðingarnar,
skúlavegleiðararnar og onnur
skulu
samstarva við foreldrini
skulu
taka happing í størsta álvara
Næmingarnir:
skulu
kenna seg tryggar til at kunna siga tað, teir hava á hjarta í
næmingasamrøðunum
skulu
virða reglarnar, ið floksfundirnir áseta
skulu
tora at siga frá
skulu
tora at steðga happing
skulu
lata vera við at happa
Foreldrini:
bera
so í bandi, at barn teirra er væl fyri til skúladagin, v.v.
svøvni, mati, heimaarbeiði og umsorgan
í
størsta mun samstarva við lærararnar
møta
til tiltøk, ið eru stílað til teirra
Vit
hava eisini eitt øki, ið vit eru noydd at seta høgt og tað er
skúlagarðurin. Ein kanning frá fyrst í 1980´unum, ið var gjørd
av Dan Ulweus í Bergen vísir, at tað hevur stóran týdning, at
skúlagarðurin er í lagi. Næmingarnir, ið hava ymiskar leikur og
møguleikar til spæl í garðinum, happa minni. Tey eru upptikin av
øðrum enn happing. Hvussu skal garðurin vera?
Skúlagarðurin:
eigur
at geva næmingunum møguleika at spæla
hava
leikur
vera
skipaður í ymisk øki, t.d. boltspøl fyri seg
vera
so spennandi, at næmingunum dáma at fara út í fríkorterinum
garðvaktirnar
skulu vera sjónligar
Tað
er neyðugt, at øll, ið arbeiða innan skúlans gátt, hava
fráboðanarskyldu. Um tey síggja tilburð, ið tey halda vera
happing, boða tey flokslæraranum og/ella omanfyri nevndu frá.
Fráboðanarskyldan:
verður
boðað frá av tí persóni, ið sær óunniliga hending
flokslærarin
skal í samráð við nevndu, eftir fráboðanina, gera nakað
ítøkiligt við málið
um
tilburðurin snýr seg um happing, verður farið fram eftir felags
ásetingum frá happingarnevnd, AKT-fólkunum, førleikastovuni og
skúlaheilsufrøðinginum.
Happing
í undirvísingarhøpi er eitt øki, ið verður raðfest ógvuliga
frammalaga. Tað er alneyðugt at forða og steðga happing skjótast
gjørligt, tí hon oyðileggur ikki einans góðar kreftir/gávur,
góðan trivnað/læruhug her og nú, men kann verða til ovurhonds
stóran ampa hjá tí einstaka alt lívið, verður ikki hond tikin
um avbjóðingina beinanvegin.
Upplýsandi
tilfar um happing
Tað
finnast nógvar góðar, áhugaverdar bøkur og filmar, ið viðgera
evnið. Á Skúlabókasavninum
er stórt úrval av viðkomandi filmum, bókum, greinum, leikum o.ø.
um evnið.
Happingarnevndin,
AKT-fólkini, førleikastovan, skúlaheilsufrøðingurin o.o.
eru
altíð fús at stuðla, hjálpa og at geva góð ráð, um lærari,
næmingur ella foreldur hava tørv á tí.