2. FLOKKUR VAR Í KVÍVÍK
Ann-Mari sigur fyri heimasíðini, at í síðstu viku var 2.fl ein dagstúr í Kvívík. Tey fóru við bussum úr Havn kl 8:30, og komin til Kvívíkar gingu tey túr og hugdu seg um. Vitjað varð í útgrevstrinum, har børnini við áhuga lurtaðu eftir, meðan greitt varð frá um forna víkingabústaðin.
Bjørg og tey eiga summarhús á Eystaru hellu, og børnini ótu matpakka uttan fyri summarhúsini hjá teimum. síðan spældu tey runt í bygdini. Summi spældu í ánni, summi í skúlagarðinum, og summi gingu runt í bygdini.
Ann-Mari endar soleiðis: “Stuttligt hjá 2. flokki at sleppa út á bygd og bara spæla og hugna sær. Tá vit høvdu verið í Kvívík eina løtu, kom sólin eisini fram. Vit fóru aftur til Havnar á miðdegi. Bæði børn og vaksin høvdu ein frálíkan dag.
Myndir: Ann-Mari