Hanus settur stjóri í Vesturskúlanum
Í morgun hátíðarhildu lærarar og næmingar í Kommunuskúlanum á Argjum, at Hanus varð settur stjóri í samanlagda Venjingar- og Kommunuskúlanum.
7. flokkarnir vóru í skúlakøkini í morgun og smurdu bollar, sum lærarar høvdu bakað. Eisini hitaðu tey kakao. Borðreitt varð í høllini, og jólatónleikur ljómaði, tá ið allir næmingarnir komu at fáa sær í fríkorterinum kl. 9.30.
Aftaná gekk dansurin so lystiliga framman fyri stórskíggjan í høllini.
Vit ynskja Hanusi hjartaliga til lukku við nýggja starvinum.
