KOMA MANNSTERK AFTUR
Í dag er síðsti skúladagur. Eftir summarfrítíðina byrja 703 børn í 1. flokki í skúlunum kring landið vísir samanteljing hjá Undirvísingarmálaráðnum. Skúlin byrjar aftur 19. august, og tá vera 7.010 næmingar í fólkaskúlanum tilsamans.
Mismunandi er, hvussu nógv børn byrja í 1. Flokki. Nøkur ár táttar tað í 770, og onnur ár hevur talið verið um 670. Í Skúlanum á Fløtum byrja 73 børn í fyrsta flokki, og tey koma at ganga í trimum flokkum í Kongagøtu: 1.a, 1.b og 1.d.
Flestu børnini, sum koma í 1. flokk í Føroyum eftir summarstøðgin eru fødd í 2012. 607 børn komu í verðina tað árið, men nú sjey ár seinni eru næstan 100 børn løgst afturat, og tað eru tilflytarar.
Tríggir skúlar í landinum hava yvir 500 næmingar, teir eru Skúlin á Fløtum, Skúlatrøð og Eysturskúlin. 16 skúlar hava millum 100 og 500 næmingar og 25 skúlar hava færri enn 100 næmingar.
Lesið eisini HER.
Keldur: Undirvísingarstýrið og SáF