KUNNINGARSKRIV FRÁ LEIÐSLUNI
Kunningarskriv
Nýggja
navnið: Skúlin á Fløtum
Skipað hevur verið fyri navnakappingini á
heimasíðuni torshavn.fo. Tá freistin var farin, vóru 252 uppskot komin inn, tó
vóru summi av teimum, ið ikki luku treytirnar. Nøkur uppskot gingu aftur, men
talan var um 112 ymisk uppskot, sum luku treytirnar.
21 skutu upp at geva skúlanum navnið “Skúlin á Fløtum”, tað gjørdist vinnandi
navnið, og í lutakasti millum tey 21 gjørdist tyrluskiparin Andreas Mouritsen í
Hoyvík vinnari. Hini fáa eina heilsan frá kommununi.
Byggingin av
nýggja skúlanum, Skúlanum á Fløtum
Byggiskráin fyri skúlabyggingina er í trimum pørtum:
1. partur: fortreytir
2. partur: námsfrøðilig viðurskifti
3. partur: teknisk viðurskifti
Í løtuni eru vit í 2. parti. Í
hesum parti eru allir lærarar í samanlagda skúlanum við í eini fundarrøð í
juni, har øll hava møguleika fyri at koma við hugskotum og ynskjum vegna tað
økið, tey serliga varða av viðvíkjandi, hvussu nýggi skúlin skal innrættast.
Við á hvørjum fundi eru Birita Wardum, býararkitektur við ábyrgd fyri
byggiskránni, Eivind Danielsen, verkætlanarleiðari, Rúni Abrahamsen,
arkitektráðgevi og Jógvan Dahl, samskipari. Flestu av hesum fundum eru á teimum
báðum nýggju skúlunum í Havn, so tað samstundis gevur kveiking og hugflog at hugsa
nýggja skúlan langt inn í framtíðina.
Umframt hesar fundir vera eisini
lærarar frá grunddeildini saman við umboðum fyri okkara tríggjar frítíðarskúlar
í eini verkstovu ein heilan arbeiðsdag um samstarv millum grunddeild og
frítíðarskúla, har ein serfrøðingur úr útlandinum verður saman við okkum tann
dagin.
Tvær ferðir í ár, 21.01. og
24.03., hava allir lærarar í samanlagda
skúlanum verið saman í ráðleggingararbeiði, har skrivað hevur verið frá
hugaroki um framtíðar dreymaskúlan, nýggja Skúlan á Fløtum.
25. september í ár vera aftur
øll starvsfólk skúlans saman ein heilan dag, har m.a. øll ynski og uppskot frá
hesum arbeiði síðani í januar, verða eftirmett og tikin samanum og skrásett,
áðrenn endaligu strikurnar verða settar á tekningina av nýggja skúlanum.
Eingin flyting næstu 2 árini í
1-5. flokkunum
Niðanfyri er yvirlit, hvar hvør einstakur árgangur í grundskúlanum
(1-7. flokki) húsast komandi 2 árini, skúlaárini 2015/16 og 2016/17. Her sæst,
at allir fyrstu 5 árgangirnar (1-5. fl., skúlaárið 2015/16) verða at halda til
á sama staði í samfull 2 ár.
Sum sæst niðanfyri er tað bara ein árgangur frá 1. til 7., sum flytir í
hesum 2-ára skeiðnum.
Tá hesi bæði skúlaárini eru farin, er bert ½ ár til 1. byggipartur av
trimum er liðugur, og miðdeildin flytir inn í nýggja, stásiliga skúlan í januar
2018. Tá hesir níggju flokkarnir í miðdeildini eru fluttir út á Fløtur, er sum
vera man gott pláss til grunddeildina og hádeildina í verandi bygningum.
2. byggipartur er liðugur í juni 2019. Og 3. byggipartur er liðugur í
juni 2020.
1. árgangur 2015- 2016
1. flokkur 2015-2016
Kongagøta
2. flokkur 2016-2017
Kongagøta
2 árgangur 2015-2016
2. flokkur 2015-2016
Kongagøta
3. flokkur 2016-2017
Kongagøta
3. árgangur 2015-2016
3 flokkur 2015-2016
Heimari skúli
4. flokkur 2016-2017
Heimari skúli
4. árgangur 2015-1016
4. flokkur 2015-2016
Frælsið
5. flokkur 2016-2017
Frælsið
5. árgangur 2015-2016
5. flokkur 2015-2016
Frælsið
6. flokkur 2016-2017
Frælsið
6. árgangur 2015-2016
6. flokkur 2015-2016
Frælsið
7. flokkur 2016-2017
Argir
7. flokkur 2015-2016
7. flokkur 2015-2016
Argir
8. flokkur 2016-2017
Argir
Tá hesi bæði skúlaárini eru
farin, er bert ½ ár til 1.
byggipartur av trimum er liðugur, og miðdeildin flytir inn í nýggja, stásiliga
skúlan í januar 2018. Tá hesir níggju flokkarnir í miðdeildini eru fluttir út á
Fløtur, er sum vera man gott pláss til grunddeildina og hádeildina í verandi
bygningum.
2. byggipartur er liðugur í juni 2019. Og 3. byggipartur er liðugur í
juni 2020.
Floksheitini
Floksheitini í ymsu árgangunum verða frá komandi skúlaári soleiðis, at
a- og b-flokkarnir í fv Venjingarskúlanum eita tað sama, td. 7a og 7b, meðan a-
og b-flokkarnir í fv Kommunuskúlanum fáa heitið d og e, td. 7d og 7e.
Teldlar komandi skúlaár
Frá 1. sep. hava allir
næmingar skúlans uttan 1. flokkarnir eitt amboð aftrat í undirvísingini,
nevnliga teldlar til láns frá skúlanum. Veðgjald við útflýggjan pr. teldil er
kr. 50. Nærri kunning um lánisáttmála, brúksreglur, treytir oa. verður eftir
summarfrítíðina.
Fríggjadagin 26.
juni er síðsti skúladagur fyri summarfrítíðina
Næmingarnir møta tey vanligu støðini kl. 9 til morgunsang, síðani í
verandi floksstovurnar og haðani í
komandi heimastovurnar, flokkarnir skulu hava frá 17. august og komandi
skúlaár. Starvsfólkini frá frítíðarskúlunum koma efir næmingunum í
innskúlingini. Skúladagurin er liðugur kl. 11, og summarfrítíðin byrjar.