Skúlin á Fløtum
Kunningarskriv
Kveikingarfyrilestur og verkstova um innskúlingina við skúlamenningarráðgeva
Fyrilestur og stutt verkstova var mánakvøldið 22. juni kl. 19.00 á Frælsinum fyri lærarum í grunddeildini saman við námsfrøðingum, ið eru knýttir at frítíðarskúlunum hjá okkum. Týsdagin 23. juni kl. 09.00 - 15.00 var verkstova fyri lærarum í grunddeildini og starvsfólkum í frítíðarskúlanum. Lene Jensby Lange, skúlamenningarráðgevi, hevur fyrilisið og skipað hesar dagarnar.
Ein týdningarmikil partur fyri væleydnaðari samskipan av skúla og frítíð snýr seg um at grundleggja eitt felags sýni ella felags áskoðan á læru barna og viðkomandi námsfrøðiligt háttalag. At lærarar og námsfrøðingar síggja møguleikar í at vera felags um høli og lærurúmið sum heild.
Evni vóru m.a. skúli í 21. øld í samspæli við lærarar, námsfrøðingar, leiðslu og ymsu liðini í skipanini. Fokus varð sett á nýggjar lærings- og skúlaformar, námsfrøðiliga kveiking, skapandi menningartilgongdir og seta verk handan orð, sniðgeva læringsrúm til eina nýggja tíð við dagførdari námsfrøði osfr.
Tvær ferðir í ár, 21.01. og 24.03., hava allir lærarar í samanlagda skúlanum verið saman í ráðleggingararbeiði, har skrivað hevur verið frá hugaroki um framtíðar dreymaskúlan, nýggja Skúlan á Fløtum.
Allir lærarar í samanlagda skúlanum eru annars við í eini fundarrøð í juni, har øll hava møguleika fyri at koma við hugskotum og ynskjum vegna tað økið, tey serliga varða av viðvíkjandi, hvussu nýggi skúlin skal innrættast. Við á hesum fundum eru Birita Wardum, býararkitektur við ábyrgd fyri byggiskránni, Eivind Danielsen, verkætlanarleiðari, Rúni Abrahamsen, arkitektráðgevi og Jógvan Dahl, samskipari.
Arbeiðsbólkar, 17 í tali, sita í løtuni og ráðleggja víðari um góð námsfrøðilig og byggifrøðilig hugskot til nýggja Skúlan á Fløtum. Arbeiðið gongur væl og skal vera liðugt í september. Síðsta hond verður løgd á hendan partin av verkinum námsfrøðiliga ráðleggingardagin 25. september, tá tikið verður saman um mongu fjølbroyttu hugskotini.
Tá vera aftur øll starvsfólk skúlans saman ein heilan dag, har m.a. øll ynski og uppskot frá hesum arbeiði síðani í januar verða eftirmett, tikin samanum og skrásett, áðrenn endaligu strikurnar verða settar á tekningina av nýggja skúlanum.
Flokslærarar komandi skúlaár
1a:Birita Olsen 1b:Berghild Poulsen 1d:Ann-Mari av Skarði 2a:Katrin Bech 2b:Beinta Viðstein 2d:Bjørg Olsen 3a:Katrin Dagbjartsdóttir 3b:Annelisa Joensen 3d:Marjun Dánialsdóttir 3e:Petur Mohr Reinert 4a:Marilyn Danielsen 4b:Jón Kragesteen 4d:Ester Poulsen 5a:Arnóra Thomsen 5b:Katin Gullbein 5d:Anna Dalsgaard 5e:Hjørdis Thomsen
Vendið!
6a:Fríðhildur Didriksen 6b:Torfinn Højgaard 6d:Hjørdis Heindriksdóttir 6e:Gunnvør Weihe 7a:Barbara Osen 7b:Erland Ludvig 7d:Malan Eyðunsdóttir 7e:Petur Mohr Samuelsen 8ð: Jens Christian Carlsson, Bergur Samulsen, Jónfríð Jóanesarson, Oddfríður Rasmussen 8f:Eddie H. Joensen 9a:Tordis Johannessen 9b:Fríða Eysturoy 9ð: Bergur Rasmussen, Margreth Veihe, Jóannis Petersen 9f:Petur Reinert.
Floksheitini
Floksheitini í ymsu árgangunum verða frá komandi skúlaári soleiðis, at a- og b-flokkarnir í fv Venjingarskúlanum eita tað sama, td. 5a og 5b, meðan a- og b-flokkarnir í fv Kommunuskúlanum fáa heitið d og e, td. 5d og 5e.
Heimastovur komandi skúlaár:
1a Sjúrðarstova, KG |
1b Garðsstova, KG |
1d Kongsstova, KG |
|
2a Tvørstova, KG |
2b Tróndarstova, KG |
2d Tórsstova, KG |
|
3a Heimari 1 |
3b Heimari 2 |
3d Heimari 3 |
3e Heimari 4 |
4a Frælsið 46 |
4b Frælsið 47 |
4d Frælsið 48 |
|
5a Frælsið 64 |
5b Frælsið 65 |
5d Frælsið 66 |
5e Frælsið 67 |
6a Frælsið 71 |
6b Frælsið 72 |
6d Frælsið 73 |
6e Frælsið 74 |
7a Argir 1 |
7b Argir 2 |
7d Argir 3 |
7e Argir 4 |
8ð Argir 7, 8, 10, 13 |
8f FSF, miðhæddin |
|
|
9a Frælsið 75 |
9b Frælsið 76 |
9ð FSF, miðhæddin |
9f FSF, miðhæddin |
Ársmetini
8. floksnæmingarnir fáa ársmetini/karakterbøkurnar frá flokslærarunum 26/6 eftir morgunsangin.
Próvhandanirnar verða mikudagin 24. juni
Mikudagin tann 24. juni eru hesar próvhandanir í Venjingarskúlanum/Tórshavnar Kommunuskúla:
kl 10 Sertilboðið/4-10 Heimari skúli
kl 16 9a og 9b Høllin á Læraraskúlanum
kl 18 9ð og 9f Høllin á Læraraskúlanum
Nýggi mentamálaleiðarin í býráðnum á kunnandi vitjan Mentanardeildin í býráðnum við Sigurði Ó. Vang á odda hevur vitjað skúlan og skúlastýrið. Tosað varð m.a. um skúlabyggingina úti á Fløtum. Greitt varð frá, at fyrireikandi arbeiðið við hesi gongur væl, øll útlit eru til, at tíðarætlanin fer at halda, soleiðis at miðdeildin flytir inn í nýggja skúlan í januar 2018. Nýggja skúlabyggingin, ið er størsta kommunala byggiverkætlan á økinum nakrantíð, hevur fyrstu raðfesting hjá býráðnum í løtuni. Av øðrum málum vórðu m.a. á vitjanini nevnd uppfrískan av skúlagarðinum í Heimara skúla, skelting og uppstígan av heimasíðu skúlans, allir næmingar skúlans, tó undantiknir 1. flokkarnir, hava teldlar frá 1. sep. og skúlasamskiftismiðilin Vitanet verður somuleiðis at fata um allan skúlan frá 1. sep.
Síðsta skúladag fyri summarferiuna
Fríggjadagin tann 26. juni, møta næmingarnir kl. 9 til morgunsang á vanligum staði, síðani í verandi floksstovurnar og haðani verður farið í komandi heimastovurnar, sum flokkarnir skulu hava frá 17. august og komandi skúlaár. Skúladagurin er liðugur kl. 11, og summarfrítíðin byrjar.
Heimasíðan www.venkom.fo
Eru spurningar, verið vælkomin at venda tykkum til leiðsluna ella skrivstovuna. Heimasíða okkara hevur adressuna: www.venkom.fo
Telefon skúlans er 30 23 45.
Góða summarferiu!
Vinaliga
Skúlin á Fløtum