SPURNAKANNING UM HAPPING Í
FÓLKASKÚLANUM
Seinnu
árini hevur ljós verið varpað á fyribrigdið happing í fólkaskúlanum. Í 2007 og 2015
tók Mentamálaráðið stig til at fáa til vega dagførda vitan, ið kundi liggja
til grund fyri tiltøkum at minka um happing og økja trivnaðin millum fólkaskúlanæmingar.
Úrslitini frá hesum kanningum vísti, at talið av teimum næmingum, ið verða
happað var 15% í2007 og 13% í 2015.
Við støði í tilmælum í kanningini og tí kjaki, ið var
eftir kanningina í 2015, vóru fleiri átøk gjørd fyri at basa happing. Nøkur,
ið MMR fyriskipaði saman við skúlunum og øðrum pørtum og onnur, ið skúlarnir
sjálvir hava framt í samstarvi við aðrar partar.
Fyri at fylgja upp og eftirmeta hesi átøk, tók
Mentamálaráðið á várið 2018 stig til, at nýggj kanning skuldi gerast.
Endamálið við hesi nýggju kanningini er:
> at lýsa í hvønn
mun happing er økt ella minkað í føroyska fólkaskúlanum síðan 2015
> at inndraga sosialar miðlar og meta um, í hvønn mun
framdu átøkini hava virkað;
> at fáa til vega dagførda vitan, ið kann gerast
grundarlag undir dagførdum tiltøkum, til tess at minka um happing og harvið
økja um trivnað og læring
Fróðskaparsetur Føroya hevur gjørt kanningina fyri Mentamálaráðið. Erla Olsen,
Katrin av Kák og Olga Biskopstø hava staðið fyri arbeiðnum. Kanningin byggir á eina spurnakanning, gjørd
millum allar næmingar í 5., 7. og 9. flokkum í november 2018.
Frágreiðingin og
tilmælið, Happing í Fólkaskúlanum, ein
spurnakanning, er viðheft
niðanfyri (pdf-fíla)
Kelda: Úr
formælinum í frágreiðingini
