Teldlareglur
Reglur fyri nýtslu av teldlum
Í skúlanum
-
Tað er altíð lærarin, sum ger av, nær og hvussu teldilin skal verða nýttur.
-
Teldilin skal liggja í taskuni, til lærarin gevur loyvi til at taka hann fram.
-
Teldilin skal bara nýtast í skúlastovuni (uttan so at lærarin gevur serligt loyvi).
-
Klistrimerki við navni á næminginum skal setast á húsan, so lætt sæst, hvør eigur.
-
Um lærarin metir, at næmingurin ikki ger eftir boðum, kann lærarin taka teldilin og møguliga lata leiðsluni hann.
-
Tað er ikki loyvt at filma ella at taka ljóð upp í skúlatíðini - uttan so at lærarin hevur givið loyvi.
-
At eta og nýta teldil hoyrir ikki saman.
-
Myndir og filmar, sum eru upptikin í skúlanum - við lærarans loyvi - mugu ikki almannakunngerast uttan skúlans samtykki.
Uttan fyri skúlan
-
Foreldrini hava ábyrgdina av, hvussu teldilin verður nýttur uttan fyri skúlatíðina.
-
Foreldur skulu saman við børnunum tryggja, at teldilin verður væl viðfarin, og at hann er í sama standi, tá ið hann verður latin aftur, sum tá ið hann varð fingin.
-
Tað er ábyrgd hjá foreldrum, at teldilin verður settur upp sambært vegleiðingini á heimasíðuni.
-
Tað er ikki loyvt at gera teknisk inntriv í teldilin.
-
Tað er loyvt at hava egnar appir, tónleik og annað innihald á teldlinum. Kravið er, at tilfarið skal vera lógligt.
-
Tilfar til skúlabrúks skal altíð raðfestast fyrst. Tað merkir, at um goymslan í teldlinum er uppi, so hevur skúlatilfarið altíð fyrstu raðfesting. Er hetta trupulleiki, er tað ábyrgd hjá foreldrum at rudda út í teldlinum.
-
Fyri at verja teldilin mest møguligt, skal hann ikki verða tikin úr húsanum.
-
Teldilin skal dagførast, so hvørt nýggj forrit og annað koma. Foreldur og næmingur hava ábyrgd av, at hetta verður gjørt.
-
Er okkurt galið við teldlinum, skal hetta sum skjótast verða fráboðað skúlanum.
-
Hvør næmingur skal hava ein G-mail.
Nakrir góðir teldla-vanar
-
Tað er ikki loyvt at renna við teldlinum.
-
Tá ið teldilin er í skúlataskuni, má hann ikki liggja saman við vatndunki.
-
Teldilin skal liggja eitt trygt stað, tá ið hann ikki er í brúki.
-
Tá ið teldilin skal flytast millum heim og skúla, skal tað verða á tryggan hátt.
-
Teldilin skal vera fult løddur, tá ið næmingurin møtir upp í skúlanum.